Tutafika tu

HONGERA BLOG YA KAMALA MIAKA 3!!!

edondaki@yahoo.com (EDWIN NDAKI) — Mon, 30 Nov 2009 10:40:00 +0000

Kamala Lutatinisibwa Lutabasibwa

Nina kila sababu ya kumpongeza rafiki yangu katika tasnia ya kublog Kamala Lutatinisibwa Lutabasibwa kutimiza miaka 3 leo.

Kwa ambao wanablog naamini wanatambua jinsi ilivyo kazi ngumu na pia kazi nzuri kublog.Nakumbuka marafiki zangu tulioanza nao kublog leo wameamua kupumzika kuandika.

Sijawahi kukutana ana kwa ana na bw Kamala ila tumekuwa tukikutana kwa takribani miaka mitatu kupitia blog mbalimbali hasa kule kwa bwana Majid Mjengwa

Nilifurahi sana baada ya kamala kuanzisha blog yake kwa kile alichoamini kumuwezesha kupata jukwaa huru zaidi kuandika anachotaka.Hatimaye alitimiza lengo.

Nakumbuka wapo walioamini asingeweza kwenda mbali,lakini leo miaka 3 yupo kwenye libeneke.

Nakutakia kila jema katika mchakato mzima wa kublog ndugu yangu Kamala.

Unaweza kumtembelea Kamala kwa kubofya www.kamalaluta.blogspot.com

Tutafika tu.

RWANDA YAINGAI "COMMONWEALTH"

edondaki@yahoo.com (EDWIN NDAKI) — Mon, 30 Nov 2009 10:08:00 +0000

Bendera ya nchi ya Rwanda.

Hatimaye nchi wanachama wa jumuiya ya madola (commonwealth) wameikubalia nchi ya Rwanda ombi la kujiunga kuwa mwananchama.

Kwa nchi ya Rwanda imepokea kama habari njema sana ukichukulia kwa sasa imeamua kujikita kurejesha Rwanda yenye maendeleo.

Hongera sana Rwanda kwa kupata nafasi hiyo na pia kuwatakia kila la kheri katika kujenga Rwanda mpya

Plz Vote for Illuminata -Miss International Beuaty

edondaki@yahoo.com (EDWIN NDAKI) — Wed, 25 Nov 2009 11:44:00 +0000

Miss Universe Tanzania Illuminata James

Niwakati mwingine wa kuonyesha umoja kwa kumpigia kura kila baada ya nusu saa kwa jinsi unavyoweza.

Kwa kumpigia kura nyingi kunamuwezesha muwakilishi wetu kuwa kwenye nafasi nzuri ya kufanya vema kwani KURA yako pia ni ya muhimu sana.

Usisite..Inachukua kamuda kadogo tu.

JINSI YA KUPIGA KURA

1. Bonyenza hiyo link chini

2. Upande wa juu kulia utaona kitufe rangi ya blue kimeandikwa (Vote for her) unakibonyeza

3. Mwisho ingiza code utakazopewa kwenye open space then click VOTE

49 Miss International Beauty

Kila la kheri Illuminata

POPE BENEDICT XVI KUACHIA ALBUM YAKE

edondaki@yahoo.com (EDWIN NDAKI) — Thu, 12 Nov 2009 14:02:00 +0000

Kiongozi mkuu wa kanisa Katoliki Papa Benedict XVI

Papa Benedicto anadondosha album yake muziki mwisho wa mwezi huu.

Katika album hiyo ambayo inaendana maadili na mfumo wa kanisa katoliki inategemewa kuwa yenye ubora wa hali ya juu kwa mujibu wa watayarishaji kampuni ya muziki ya Geffen Records.

Kampuni ya Geffen Record imeshawahi kufanya kazi na wasanii ikiwemo Elton John, Donna Summer and Snoop Dogg.

Meneja mkuu wa kampuni hiyo aliutangazia umma ,kuwa wanafuraha kusaini mkataba na msanii mpya Papa Benedict XVI.

***** ****** ******
Hongera Papa Benedict kwa kuingia studio.Natumaini wezi wa kazi za wasanii hawatakuliza kama wanavyoliza wasanii wetu.

Mh Rais wangu,naona unapenda MUTHIKI ..sasa na wewe si uende Bongo record au Mj ,41 record unidondoshee single moja?

Siku njema

Tutafika tu

TANZANIGHT SHOW -Tampere Ufini

edondaki@yahoo.com (EDWIN NDAKI) — Wed, 11 Nov 2009 21:00:00 +0000

Menard Mponda ..tabasamu kuuuuubwa baada ya kushuhudia TANZANIGHT SHOW

Huyu "braza" alipiga ngoma balaa..Show ilikuwa kali

Kama kawaida msanii wa Bongo Flava Benjamini wa mambo Jambo akikamua

SANAA SANA kundi kutoka Tanzania lilifanya show kali na kuacha watu wakipagawa.

Pamoja tunawakilisha

TANZANIA NIGHT TAMPERE FINLAND

edondaki@yahoo.com (EDWIN NDAKI) — Tue, 10 Nov 2009 18:08:00 +0000

Ras Jhikoman akipagawaisha mashabiki wa Finland kwa Raggae nzito yenye vionjo ya "ala za kitanzania na magharibi"

Msanii Mashimba aliweza kukong'a vilivyo nyoyo za mashabiki baada ya kuwapa vionjo mbalimbali.

Msanii wa Bongo Flava Dudu baya akiwa akisindikizwa jukwaani na wasanii wa kundi la SANAA SANA

Benjamin wa Mambo jambo akiwawasikilisha kwa hisia kali!..mambo ya "embe dodo"

Mika Mwamba "producer" akiwasha moto kwenye ukumbi wa Klubi Tampere .

Mwisho wa juma ulimalizika kwa burudani kubwa ya kukatwa na Mundu.Vikundi vya burudani kutoka Tanzania na wasanii waliweza kutoa burudani kali ndani yajiji la Tampere..

Habari zaidi na picha naziweka muda si mrefu..Cheki kwanza hizo chache

DA SUBI kahamia WWW.WAVUTI.COM

edondaki@yahoo.com (EDWIN NDAKI) — Wed, 28 Oct 2009 09:15:00 +0000

Katika kupita pita hapa na pale.Nimegundua Da Subi ambaye alikuwa anaishi na kupatikana kupitia www.nukta77.blogspot.com

Sasa amehamia kwenye makazi mapya ambayo ni www.wavuti.com

Namtakia mafanikio katika makao mapya

Tutafika tu

LUTHERAN :Sasa ruksa ndoa za jinsia moja

edondaki@yahoo.com (EDWIN NDAKI) — Sun, 25 Oct 2009 21:32:00 +0000

Picha ya kanisa la kilutheri jijini Stockholm,Sweden.

Ukistaajabu ya Musa,utayaona ya Firauni

Kanisa la kilutheri nchini Sweden lenye waumini wengi zaidi nchini humo limekubali kubariki ndoa za wapenzi wa jinsia moja kuanzia mwezi ujao.

Asilimia 70 ya baraza kuu la kanisa hilo lilipigia kura kuunga mkono hatua hiyo.

Serikali ya Sweden imepitisha sheria mpya kulinda wapenzi wa jinsia moja. Robo tatu ya raia wa Sweden ni waumini wa Lutheran, japo idadi ya wanaohudhuria ibada imepungua sana.

Kaziiiii kweli kweli?Sijui tutafika kweli?

Chanzo cha habari BBC.CO.UK/SWAHILI

Hongera EMMA kwa KUFUNGA NDOA

edondaki@yahoo.com (EDWIN NDAKI) — Sun, 25 Oct 2009 00:30:00 +0000

Wakili Emmanuel Tamira Makene akiwa na mke wake bi Sarah Twilumba muda mfupi baada yakufunga pingu za maisha.

Picha kutoka blog ya Issa Michuzi

Leo wakati nikitafuta nini cha kuandika ghafla nakutana na picha ya school mate wangu akimeremeta.

Bwana harusi ambaye kwa sasa anamiliki kampuni yake binafsi ya uwakili ya Kings Law Chamber.Kabla ya hapo alikuwa wakili wa magazeti ya serikali ya Tanzania Standard news paper.

Kwa kifupi huyu mheshimiwa ni miongoni mwa walinitupokea seminarini tukitafuta wito wa upadre,yeye akiwa kidato cha tatu mimi ndio "nyoya",bazoka, fomu wani.

Kwa mfumo wa seminari mara nyingi kidato cha tatu ndio wanakuwa wapo karibu sana na kidato cha kwanza kuliko kidato cha pili.

Kwa wale wanajua maisha ya shule nyingi za bweni za miaka hiyo kidato cha pili wao ndio "Military police"MP wa shule.

Bwana harusi alikuwa katibu wetu wa Debate club.

Binafsi nimefurahi na ninafurahi kuona watu ninao wafahamu wakiendelea kupiga hatua flani flani katika maisha.Namtakia kila la kheri katika maisha ya ndoa.

Unakumbuka nini kuhusu maisha ya shule?

HAPPY BIRTHDAY RAIS PAUL KAGAME

edondaki@yahoo.com (EDWIN NDAKI) — Thu, 22 Oct 2009 21:16:00 +0000

Nelson Mandela akiwa na Rais wa Rwanda Paul Kagame.

(Picha na Denis Farell)

Leo Oktoba 23 ni "birthday" ya rais wa Rwanda Paul Kagame.Alizaliwa mji Gitarama,Rwanda october 23,1957.

Akiwa na umri wa miaka(2) alikimbia yeye na familia yao pamoja na familia zingine za kabila la watutsi Uganda baada ya mauji yalioendeshwa na serikali ya wahutu nchini Rwanda.

Kwa zaidi ya miaka 30 aliishi ukimbizini nje ya nchi yake.Kwa msaada wa rafiki yake(Rais Yoweri Museveni) aliweza kuanzisha harakati za Rwandese Patriotic Front

April 6,1994 ndege iliyokuwa imembeba rais wa Rwanda Juvenal Hybarimana na rais wa burundi Cyprien Ntaryamira ilidunguliwa katika anga la Kigali,Rwanda.Kulipuliwa kwa ndege hiyo ilikuwa kama ndio mwanzo wa mauaji makubwa ya kimbali "RWANDA GENOCIDE"

Kwa siku mia moja zaidi ya watutsi na wahutu wenye msimamo wa wastani kati ya laki nane na milioni moja wanakadiriwa waliuawa.

4 July 1994, Paul Kagame na RPF wanafanikiwa kuwazidi nguvu utawala wa kihutu ulioongozwa na Jean Kambanda na kurejesha hali ya utulivu.Wanamgambo waasi wa kutoka kabila la wahutu Ntarahamwe hatimaye wanakimbilia Congo.

Kwa kifupi huyo ndio mtu ambaye kwa baadhi yao ni shujaa ila kwa wengine ni kinyume chake.

Binafsi namtakia maisha mema na marefu katia kurejesha mahusiano zaidi kati wahutu na watutsi na kujenga Rwanda mpya.

Happy birthday Paul Kagame!

Mtoto albino akatwa shingo

edondaki@yahoo.com (EDWIN NDAKI) — Thu, 22 Oct 2009 17:56:00 +0000

Picha ya watoto wenye ulemavu wa ngozi(Albino) wanaoishi kwa hofu kila kukicha ndani ya nchi yao.

Mwanafunzi wa darasa la pili,shule ya msingi Nyawilimilwa,Gasper Elikana(10) ameuwawa kikatili kwa kukatwa kichwa na kisha kunyofolewa mguu wake.Tukio hilo limetokea wilaya ya Geita,mkoani Mwanza.

Pia wauaji hao walimjeruhi vibaya sana baba mzazi wa marehemu wakati akijitahisi kumwokoa mtoto wake na mauti.

Uko wapi ubinadamu wetu?Mateso haya na hofu kwa wenzetu mpaka lini?

Binafsi nalaani kwa nguvu zote na jeshi la polisi kwa kushirikiana na jamii kuhakikisha wahusika wanafikishwa mbele ya vyombo vya sheria.Hiyo pekee haitoshi,wahusika lazima wataje walipokuwa wanapeleka huo mguu.

Nawapo pole familia kwa kuondokewa na mtoto wao.Mwenyezi Mungu amwezeshe kupona haraka baba mzazi wa marehemu.

Mwenyezi Mungu wa rehema aipumzishe roho ya mtoto Gasper mahala pema peponi.Amina

Tutafika kweli kwa hali hii?

OBAMA ASHINDA TUZO YA AMANI YA NOBEL

edondaki@yahoo.com (EDWIN NDAKI) — Fri, 09 Oct 2009 10:06:00 +0000

Rais Barack Obama ashinda tuzo ya Amani ya Nobel

Rais wa Marekani Obama ametunukiwa Tuzo ya Amani kwa jitihada zake kubwa za kutumia Diplomasia zaidi ya Maguvu katika migogoro.

Kila la kheri Obama endelea kutumia busara katika kutafuta Amani mashariki ya kati na sehemu mbalimbali duniani ambako Marekani imepoteza marafiki na kujenga maadui kwa sababu ya vita mbalimbali.

Hongera Obama..

Tutafika tu

Vote for Best African Achievement Awards 2009

edondaki@yahoo.com (EDWIN NDAKI) — Tue, 22 Sep 2009 10:51:00 +0000

Mpigie kura Kristina Remne ..(Picha na MANNI BACH)

Ni wakati wa kuonyesha umoja na kuunga mkono harakati za dada yetu Kristina Remne anayejishugulisha na kazi za modelling .

Kristine Remne raia wa Kenya amekuwa miongoni mwa mwanamitindo aliyeingia kwenye BEST AFRICAN ARCHIEMENT AWARD Nominee 2009

Kristina Remne raia wa Kenya anaishi Sweden ni mwakilishi wetu katika kundi la Best Model 2009

Jinsi ya kumpigia kura8How to vote)

FIRST STEP:

Click that link : BEST AFRICAN ARCHIEMENT AWARD NOMINEES

SECOND STEP:

Click bullet kwenye jina la Kristina Remne - Best model 2009

All the best Remne

NAWATAKIA EID MUBARAKA

edondaki@yahoo.com (EDWIN NDAKI) — Sun, 20 Sep 2009 08:17:00 +0000

Nawatakia kila la kheri na baraka za Mwenyezi Mungu katika kushere siku ya Eid Mubarak.

Baada ya siku 30 za mfungo wa Ramadhani ni wakati wa kusherekea siku ya Eid Mubarak.

Tuendelee kuishi maisha yale yale tuliyokuwa tunaishi wakati wa mfungo kwani ndio kumpendeza Mwenyezi Mungu.

Nawakatikia siku njema

TABIRI USHINDE..NAKUTUMIA ZAWADI POPOTE ULIPO

edondaki@yahoo.com (EDWIN NDAKI) — Fri, 11 Sep 2009 21:46:00 +0000

Timu inayoundwa na watanzania ya TAS yenye makazi yake jiji Tampere.

Timu inayoundwa na wakenya Safari FC kutoka mji wa Vaasa

Kesho timu ya TAS inasafiri masaa matatu kwenda mji wa Vaasa kucheza mpira na timu ya Safari FC.

Safari Fc walikuja Tampere na kufungwa 3-2 na timu ya TAS.Leo mchezo wa marudiano utapigwa jioni saa kumi kwa saa za afrika mashariki huko Vaasa.

Ndugu mdau nakupa nafasi ya "tabiri" timu gani itashinda na kwa magoli mangapi.Mshindi atapata zawadi nono.Blog ya edondaki.blogspot.com itakutumia zawadi yako popote ulipo.

'Draw' ya wazi itafanyika baada ya mechi na 'mshindi' kutangazwa.

Tutafik tu

England yatinda Fainali 2-1

edondaki@yahoo.com (EDWIN NDAKI) — Mon, 07 Sep 2009 00:37:00 +0000

Mshambuliaji wa timu ya wanawake ya taifa la Uingereza Lianne Sanderson ambaye alikuwa moja ya chachu ya ushindi kwa mchezo wake mzuri kama nilivyomnasa na kidakio changu

Sina story ..ndege tunduni ndani ya lango la Uingereza

Kuteswa kwa zamu..Beki wa timu ya Uholanzi Bito akinyofoa samaki aliyenasa nyavuni na kuandika goli la pili kwa uingereza.

Sikuwa na moyo wa kwanini..Ilibidi niwashangilie wakoloni wangu(Uingereza)maana nchi yangu michezo ilienda na politiki kwa kuyumbisha "michezo mashuleni" nakuimarisha chipukizi..

Mpaka mwisho wa mpambo Uingereza 2-Uholanzi 1.Kwa maana hiyo Uingereza wamapeta tiketi ya kutinga fainali ambako itacheza na mshindi wa leo jioni kati ya Ujerumani au Norway.

Tutafika tu

EUFA WOMEN'S CHAMPIONSHIP:ENGLAND vs HOLLAND

edondaki@yahoo.com (EDWIN NDAKI) — Sun, 06 Sep 2009 13:54:00 +0000

Wadau hapa ndio naondoka naelekea Uwanjani hapoa Tampere kuwachukulia matukio ya Fainali ya kombe la mpira wa miguu wa timu za mataifa ya Ulaya.

Leo ni nusu fainali kati ya England na Holland.Mshindi wa leo atapambana na mshindi kati ya Ujerumani au Norway ambao nao watacheza kesho.

Nawataki jpili njema.

Tutafika tu

UHOLANZI YATINGA NUSU FAINALI

edondaki@yahoo.com (EDWIN NDAKI) — Sat, 05 Sep 2009 20:55:00 +0000

Bendera ya uholanzi na Ufaransa zina fanana rangi.Tofauti Uholanzi mistari yake ipo ndio hama hii juu na chini ni Ufaransa..

Timu ya taifa ya Uholanzi juzi kabla ya mpambano

Wanawake wanaweza.Yaani hii michuoano ya timu za wanawake za maifa ya ulaya hadi waamuzi ni wanawake.

Huyu ni Beki wa timu ya taifa ya wanawake ya Ufaransa Laura Georges

Timu ya Taifa ya Ufaransa kabla ya mpambano wao juzi .

Nikila mkonozi na shabiki wa Uholanzi

Mshambuliaji hatari na mwenye pumzi na kasi kubwa Elodie Thomis

Juzi nilishuhudia mpambo mkali wa timu za wanawake za Uholanzi na Ufaransa katika kinyanganyiro cha EUFA WOMEN'S EURO 2009 .

Mchezo ulikuwa mkali huko Ufaransa wakionyesha mcheza mzuri zaidi ya Uholanzi.Baada ya dakika 90 timu zote zilikuwaa sare.Dakika za nyongeza zikaweka.Baada ya muda wa nyongeza(dakika 120) timu zote zilikuwa hazijafungana.

Baadaye ikabidi njia ya matuta(penalty) zitumike.Wakapiga penati 5 na kila timu ikafunga 4 na kukosa moja....Mwisho wa siku Uholanzi wakashinda kwa 5-4 penati.

Hivyo Uholanzi wameingi kwenye hatua ya nusu fainali watakutana na Uingereza Jpili ya leo.Ujerumani na Norway watacheza jmatatu.

Picha na matukio ya mechi ya Uholanzi na Uingereza itakayocheza hapa Tampere city inaanza 1900 gmt zitawajia baada ya mpambano..Kwa wale marafiki zangu wa hapa Finland Simoni Kitururu unaweza kuatazama live kupitia YLE TV 2 Kwa wale wanaoishi

Tutafika tu

NANCY SASA KUBLOG KISWAHILI...

edondaki@yahoo.com (EDWIN NDAKI) — Wed, 02 Sep 2009 12:55:00 +0000

Nancy moja ya picha yake utakayo kutana nayo kwenye blog yake ya www.naxylady.blogspot.com

Kati ya mambo ya kuvutia ni kuona blogger wanavyozidisha harakati za kuhabarishana.Kati ya blog inayokuja juu kwa sasa ni ya ndugu yetu NANCY.

Nancy amekuwa akiblog kwa kiinglish na kiswidi ..Sasa ameamua kuanza kublog pia kwa lugha mama ya kiswahili.Kwa mambo ya mitindo,ubunifu na habari mbalimbali za Sweden na dunia kwa ujumla mtembelee kwenye blog yake.

Kila la kheri Nancy tupo pamoja.

Tutafika tu

NGOMA AFRICA-Wanapofunga Mtaa

edondaki@yahoo.com (EDWIN NDAKI) — Fri, 28 Aug 2009 13:14:00 +0000

Ras Makunja akiwa na bendi yake Ngoma Africa

Shazi lililojitokeza kushuhudia makamuzi ya Ngoma Africa UjerumaniRas makunja na kikosi chak

The Ngoma Africa band,juzi 21-08-2009

waliufunga mtaa mrefu katikati ya jiji kubwa Hamburg,Ujerumani.katika maonyesho ya Alafia -Afrika Festival,na kusababisha ulinzi kuwepo ulinzi mkali, mbele ya jukwaa kulijaa washabiki ambao wanadai kuwa ngoma africa ni bendi yao ya damu!

Nyuma ya jukwaa kulikuwa kumejaa Polisi ambao nao wanadai kuwa baada ya kumalizika onyesho hilo lazima Makunja na kikosi chake wasindikizwe na Ulinzi na hakuna mshabiki wa kuwasogelea! inamaana FFU wa Ngoma Africa chini ya ulinzi wa washabiki na polisi ?

Poromota wa onyesho hilo aliwatangazia washabiki kabla ya mziki kuanza kuwa "Washabiki wanaombwa kucheza mziki mbele ya jukwaa" tafadhali nyuma ya jukwaa ni sehemu ya ulinzi tuu! jukwaa lipo kati! upande wa mbele washabiki na upande wa nyuma polisi,Ras Makunja na Ngoma Africa yake wamewekwa mtu kati!!

Unaweza kuwasikiliza kwa kubofanya hapo NGOMA AFRICA BAND

KUMBE ATA ULAYA WASTAARABU?

edondaki@yahoo.com (EDWIN NDAKI) — Fri, 28 Aug 2009 10:19:00 +0000

Nilipita jioni Tangazo lilikuwa linaonekana vema

Leo nimepita nimekuta "wastaarabu" wameshalivunja..Nimekubali sio bongo tu hata huku "wastaarabu kumbe wako"

BLOGGER ANAPOAMUA KUACHA KAZI!

edondaki@yahoo.com (EDWIN NDAKI) — Fri, 28 Aug 2009 09:43:00 +0000

UJERUMANI 5- UFARANSA 1

edondaki@yahoo.com (EDWIN NDAKI) — Thu, 27 Aug 2009 20:59:00 +0000

Mpaka mwisho wa mchezo BIG SCREEN ndio lilisema hivyoo

Wakiondoka vifua mbele baada ya ushindi mnene wa 5-1

Mwamuzi wa mchezo akimzawadia Kadi ya "kliniki" mwana mwanadada wa timu ya Ufaransa

Moja ya washambuliaji hatari ya timu ya taifa ya Ufaransa ya wanawake.

Beki wa kutumainiwa wa Ufaransa akitoka uwanjani baada ya kufungwa 5-1

Hako ndio katiketi kangu...Kuna mdau alihoji kama kweli nimefika uwanjani au na kopi na kupesti...aa aaa

KAZI KAZI...NJE NDANI

edondaki@yahoo.com (EDWIN NDAKI) — Thu, 27 Aug 2009 13:32:00 +0000

Rai wa kutoka Romania akiwa amebeba maua kwa ajili ya kuuza kupata chapaa.

Kazi ni kazi

Dereva akisafisha basi ili kuhakikisha "anagawa kisawa sawa umaskini"

Eufa Women's Euro:GERMAN vs FRANCE

edondaki@yahoo.com (EDWIN NDAKI) — Thu, 27 Aug 2009 13:05:00 +0000

Moja ya nguzo yenye taa za kumwaga ukidondosha hata sindano usiku utaiona

Leo mchana nimefika mapema kupata ppicha mbili tatu kabla ya mtanange kuanza.

Uwanja ulikuwa umechemka naona jamaa wanaupoza maana leo itakuwa game kali

Maafisa wa EUFA wakikagua uwanja wa Ratina hapa jijini Tampere kabla ya mpambano wa timu ya taifa ya wanawake ya Ujerumani na Ufaransa

Nipo uwanja wa mpira wa miguu wa jiji la Tampere Ratina kusuburia mpambano wa ligi ya mabingwa barani ulaya wanawake UEFA WOMEN'S EURO 2009

Ujerumani walicheza mechi yao ya kwanza na kuwabanjua 4-0 Norway huku Ufaransa wakilamba dume kwa kuwafunga 3-1 Icelanda.

Sasa leo wanakutana wababe hao wawili kuoneshana nani zaidi.

Nitawaletea picha habari baada ya game.

Tutafika tu